Биз тез-тез дуч келадиган «жиҳод» сўзи аслида нимани англатади? Афсусни, ижтимоий тармоқларда ва айрим радикал гуруҳлар талқинида бу тушунча фақат «уруш» ва «вайронкорлик» сифатида нотуғри талқин қилинмоқда.

Аслида «жиҳод» араб тилида ғайрат қилиш, интилиш ва қийинчиликни енгиш деган маъноларни англатади. Исломда унинг асл моҳияти — бузғунчилик эмас, балки эзгуликдир!

📌 1. Энг катта жиҳод, Пайғамбаримиз алайҳиссалом жиҳоднинг энг олий босқичи сифатида инсоннинг ўз ёмон интилиш ва гуноҳларига қарши курашини кўрсатганлар:

«الْمُجَاهِدُ مَنْ جَاهَدَ نَفْسَهُ فِي طَاعَةِاللَّهِ»

«Ҳақиқий мужоҳид — Аллоҳга итоат қилишда ўз нафсига қарши курашган кишидир.» (Тирмизий ривояти)

📌 2. Уруш фақат мудофаа ваҳимоя учун
Исломда қуролли ҳаракатга фақат ватанни, оилани ва адолатни ҳимоя қилиш учун, ўта мажбур ҳолатдагина рухсат берилади:

«وَقَاتِلُوا فِي سَبِيلِ اللَّهِالَّذِينَ يُقَاتِلُونَكُمْ وَلَا تَعْتَدُوا إِنَّ اللَّهَلَا يُحِبُّ الْمُعْتَدِينَ»
«Сизга қарши уруш қилаётганларга қарши Аллоҳ йўлида урушинг, лекин ҳаддан ошманг. Зеро, Аллоҳ ҳаддан ошувчиларни севмайди.» (Бақара сураси, 190-оят)

📌 3. Бегуноҳ инсонларга зўравонликқилиш — Исломдан эмас!
Тинч аҳолига, аёллар ва болаларга зарар етказиш ислом шариатида қатъий ман этилади:

«لا تَقْتُلُوا شَيْخًا فَانِيًا وَلا طِفْلاصَغِيرًا وَلا امْرَأَةً»

«Мўйсафид қарияларни, ёш болаларни ва аёлларни ўлдирманг!» 

(Абу Довуд ривояти)

Хулоса ўрнида шуни айта оламизки исломни зўравонлик дини сифатида кўрсатишга бўлган ҳар қандай уриниш маърифатдан йироқдир. 

Чин мусулмоннинг жиҳоди — бу илм олиш, оиласига ҳалол ризқ топиш, жамиятга фойда келтириш ва ўз ахлоқини гўзаллаштиришдир!

Кармана тумани “Жалойир” 

жоме масжиди имом-хатиби                                   A.Ҳакимов